Departamenti Punë Sociale-Universiteti i Prishtinës “Hasan Prishtina” dhe Asociacioni i Qendrave për Punë Sociale-Kosovë me përkrahjen e partnereve: OSBE-Zyra në Kosove, KOMF, Terre Des Hommes, SOS Fshatrat e Femijeve, OFAP, UNICEF, Save the Children, këtë vit organizuan Konferencën e dytë Nacionale për shënimin e Ditës Botërore të Punës Sociale me temën: Profesionistët e punës sociale në sistemin e mbrojtjes sociale në Kosovë.
Qëllimi kryesor i konferencës ishte promovimi i punës sociale, rolit të profesionit të punës sociale, koordinimi dhe bashkëpunimi ndër sektorial në ofrimin e shërbimeve profesionale, rëndësinë e edukimit dhe zhvillimit të profesionistëve të shërbimeve sociale, shpalosja e sfidave dhe identifikimi i hendeqeve, perspektivat për të ardhmen e punës sociale dhe profesionit të punës sociale.
Në fjalën hyrëse, Kryeministër i Republikës së Kosovës z. Albin Kurti theksoi planet e qeverisë për avancimin e sistemit të shërbimeve sociale.
"Jemi në proces të fuqizimit të sistemit të shërbimeve sociale, me fokus parandalimin dhe identifikimim e hershëm, në mënyrë që të kemi sa më pak raste në gjykatë"
Poashtu, në fjalimet e tyre,
"Lgji i ri për Shërbime Sociale dhe Familjare, do të procedohet në Kuvend brenda vitit, me qëllim të zhvillimit të reformës së shërbimeve sociale në vend", potencoi Albulena Haxhiu,Ministre e Drejtësisë.
Shef i Departamentit Punë Sociale Dr. Avdyl Gashi foli për rëndësinë e përgaditjes së kuadrove profesional në fushën e punës sociale si dhe theksoi kontributin që kanë dhënë profesionistët e shërbimeve sociale për avancimin e sistemit.
Kryetar i Asociacionit të Qendrave për Punë Sociale z. Blerim Shabani në fjalën e tij potencoi rëndësinë e përkrahjes dhe fuqizimit të punëtorëve social si dhe promovimin e punës sociale.
Prorektorja për Akreditim, Cilësi të Mësimit dhe Çështje të Studentëve, Prof. Ass. Dr. Njomza Llullaku në fjalimin e saj theksoi rëndësinë e ofrimit të programit Punë Sociale në kuadër të Universitetit të Prishtinës, modelet e punës së praktikës për ngritjen e kapaciteteve të studentëve si dhe bashkëpunimit ndërinstitucional për avancimin e sistemit të shërbimeve sociale.
Në panelin e tretë të konferencës për shënimin e Ditës Botërore të Punës Sociale u diskutua mbi tematikën “Formësimi akademik, puna praktika dhe zhvillimi profesional i profesionistëve të punës social – Perspektiva e Kosovës” ku u diskutua mbi rëndësinë e përgaditjes së kuadrove profesional si dhe ngritjen e kapaciteteve të punëtorëve social përmes trajnimeve.
Moderatore: Remzije Krasniqi, SOS Fshatrat e Fëmijëve Kosovë
Panelistë:
Avdyl Gashi-Departamenti Punë Sociale -Universiteti i Prishtinës"Hasan Prishtina"
Adile Basha Shaqiri,Divizioni Shërbimeve Sociale në Ministrin e Drejtësisë
Mentor Morina, Departamenti i Politikave Sociale dhe Familjes në MFPT
Donjeta Kelmendi, Koalicioni Organizatave për Mbrojtjen e Fëmijeve
Komente (0)
Publikimet e fundit
Buen Vivir: E ardhmja e bashkëndarë ...
8 / 11 / 2023
Puna Sociale Klinike: Definimi
28 / 6 / 2023
Eglantynne Jebb: “Gjuha e vetme ...
10 / 9 / 2023