Me fjalën fëmijë kuptohet çdo qenie njerëzore nën moshën 18 vjeç, me
përjashtim të rasteve kur mosha madhore arrihet më përpara, në përputhje me
legjislacionin të cilit ai i nënshtrohet.
(Neni 1,
i Konventes mbi të Drejtat e Fëmijës).
Të drejtat fëmijëve dhe
mbrojtja e tyre nga format e ndryshme të diskriminimit apo shfrytëzimit, përveç me
Konventa Ndërkombëtare, që janë të ratifikuara nga shteti ynë, garantohen edhe me Kushtetutën e Republikës së Kosovës, si akti më i lartë juridik dhe politik i
Republikës së Kosovës.
Për
të siguruar të drejtën e papohueshmë që çdo fëmijë ka për të jetuar (neni 6, paragrafi 1 i Konventës mbi të
Drejtat e Fëmijës), dhe për të marrë të gjitha masat e mundshme për të siguruar
mbijetesën dhe zhvillimin e çdo fëmije (neni 6, pika 2 e Konventës mbi të
Drejtat e Fëmijës), në aspektin fizik, psikik dhe social, Kosova ka ndërtuar
sistemin e mbrojtjes sociale, i cili rregullohet me ligje të veçanta si:
·
Ligji Nr. 06/L-084 për Mbrojtjen
e Fëmijës;
·
Ligji Nr. 2004/32 për Familjen
i Kosovës dhe Ligji Nr. 06/L-077 për Ndryshimin dhe Plotësimin e Ligjit Nr.
2004/32 për Familjen i Kosovës,
·
Ligji nr. 02/L-17 për Shërbimet
Sociale dhe Familjare dhe Ligji Nr. 04/L-081 për Ndryshimin dhe Plotësimin e
Ligjit Nr. 02/L-17 për Shërbimet Sociale dhe Familjare,
·
Ligji Nr. 2003/15 për Skemën e
Ndihmës Sociale në Kosovë dhe Ligji Nr. 04/L-096 për Ndryshimin dhe Plotësimin
e Ligjit për Skemën e Ndihmës sociale,
·
Kodi Nr. 06/L-074 Kodi Penal i
Republikës së Kosovës,
·
Ligji Nr. 03/L –212 i Punës,
·
Ligji Nr. 04/L –032 për Arsimin
Parauniversitar,
·
Ligji Nr. 04 / L-161 për Sigurinë
dhe Shëndetin në Punë,
·
Kodi Nr. 06/L –006 i Drejtësisë
për të Mitur,
·
Ligji Nr. 04/L-218 për Parandalimin
dhe Luftimin e Trafikimit me Njerëz dhe Mbrojtjen e Viktimave të Trafikimit.
·
Ligji
Nr. 05/L -067 për Statusin dhe të Drejtat e Personave Paraplegjik dhe
Tetraplegjik;
·
Ligji Nr. 04/L – 092 për Personat e
Verbër;
·
Ligji
Nr. 03/L-022 për Përkrahje Materiale Familjeve të Fëmijëve me Aftësi të
Kufizuar të Përhershme;
Me aprovimin e Ligjit për Mbrojtjen e Fëmijës, është bërë një hap shumë i rëndësishëm në fushën e mbrojtjes së
fëmijëve, ku qëllim primar i këtij ligji është të mbrojë fëmijën nga të gjitha format e dhunës fizike dhe
mendore, abuzimi, keqpërdorimi, shfrytëzimi, neglizhimi, apo ndonjë forme
tjetër që vë në rrezik jetën, sigurinë, shëndetin, edukimin, arsimimin dhe
zhvillimin e fëmijës. Qëllim tjetër i ligjit është që të garantojë dhe sigurojë
përgjegjësitë e prindërve, familjes, organit të kujdestarisë, shoqërisë dhe të
shtetit në kujdesin, mbrojtjen dhe zhvillimin e fëmijës bazuar në interesin më
të mirë të fëmijës. Po ashtu, ky Ligj ka për qëllim edhe përcaktimin e
mekanizmave efektivë, funksionimin e institucioneve mandatore dhe marrjen e
masave konkrete për parandalim, reagim dhe mbrojtje të fëmijës.
Niveli qëndror (Ministria), është
përgjegjëse për zhvillimin e politikave, hartimin
e legjislacionit, standardeve, për ofrimin e shërbimeve sociale dhe
familjare për të gjithë qytetarët pa dallim moshe, gjinie, gjuhe, etnie, përkatësie
fetare etj. dhe të sigurojë zbatimin e duhur nga ana e komunave dhe
organizatave të tjera që ofrojnë shërbime sociale dhe familjare.
Niveli lokal, (komuna) është e përgjegjëse që të bëjë vlerësimin e rrethanave të çdo personi
apo familje, e cila konsideron se gjendet në gjendje të nevojës, këtu hyijnë
edhe fëmijët, dhe t’iu ofroj shërbime bazuar në nevojat e tyre, e nëse janë
fëmijë bazuar në interesin më të mirë të tyre.
