Korniza ligjore e Kosovës, duke
filluar nga Kushtetuta e Republikës së Kosovës kanë për qëllim që personave të
moshuar t’iu ofrojnë një jetë të dinjitetshme, në një shoqëri që i mbështet dhe
iu mundëson qasje të lehtë dhe shërbime cilësore sociale dhe shëndetësore.
Sistemi i mbrojtjes sociale, përmes të cilit organizohen dhe realizohen
mbrojtja, kujdesi dhe integrimi social i personave të moshuar, me theks të
veçantë i atyre pa përkujdesje familjare, bazohet në:
1.
Ligji
Nr. 05/L -021 për Mbrojtjen nga
Diskriminimi;
2.
Ligji
Nr. 2004/32 për Familjen i
Kosovës;
3.
Ligji
Nr. 06/L-077 për Ndryshimin dhe
Plotësimin e Ligjit Nr. 2004/32 për Familjen i Kosovës;
4.
Ligji
Nr. 02/L-17 për Shërbimet
Sociale dhe Familjare;
5.
Ligji
Nr. 04/L-081 për
Ndryshimin dhe Plotësimin e Ligjit Nr. 02/L-17 për Shërbimet Sociale dhe
Familjare; dhe
6.
Ligji
Nr. 04/L-131 për Skemat
Pensionale të Financuara nga Shteti.
Niveli qendror.
Ministria
është përgjegjëse për zhvillimin e politikave, hartimin e legjislacionit,
standardeve, për ofrimin e shërbimeve sociale dhe familjare për të gjithë
qytetarët pa dallim moshe, gjinie, gjuhe, etnie, përkatësie fetare etj. dhe të
sigurojë zbatimin e duhur nga ana e komunave dhe organizatave të tjera që
ofrojnë shërbime sociale dhe familjare.
Niveli lokal. Komuna është përgjegjëse që të bëjë vlerësimin
e rrethanave të çdo personi apo familje, që konsiderohen të jenë në gjendje të
nevojës, përfshirë personat e moshuar, dhe t’iu ofroj shërbime bazuar në
nevojat e tyre.
