Shërbimet sociale ofrohen përmes
metodave të punës sociale dhe metodave tjera, me qëllim të rritjes së
mirëqenies për individët, familjet e cenuara, dhe komunitetin, të cilat
ndihmojnë në eliminimin e rreziqeve, zvogëlimin e varfërisë, përmirësimin e
përfshirjes dhe integrimit me qëllim të arritjes së potencialit të plotë në
jetë. Këto shërbime planifikohen t’iu shërbejnë fëmijëve, të rriturve dhe të personave
në moshë, si dhe familjes dhe komunitetit.
Shërbimet sociale ju ofrohen
individëve në nevojë që gjenden në territorin e Republikës së Kosovës, pa marrë
parasysh statusin apo vendin e origjinës, i cili ka nevojë për shërbime sociale
të përmendura si më poshtë, por pa u kufizuar vetëm në to dhe atë për shkak: se
është fëmijë pa përkujdesje prindërore, se është fëmijë në rrezik të humbjes së
kujdesit prindëror, se është fëmijë me vështirësi në sjellje, se është viktimë
e abuzimit dhe keqtrajtimit, përfshirë atë fizik, psikologjik, seksual dhe
lënien pas dore, se është në konflikt apo në kontakt me ligjin, të probleme
familjare, të moshës së shtyrë, të aftësisë së kufizuar, të rrezikut nga
shfrytëzimi ose abuzimi, të dhunës në familje dhe çfarëdo lloji tjetër dhune në
bazë gjinore, të trafikimit me qenie njerëzore, të përfshirjes në punë të
rënda, të varësisë nga substancat psiko-aktive (alkooli, drogat apo ndonjë
lëndë tjetër natyrale apo farmaceutike që shkakton varësinë), të emergjencave
ose fatkeqësive të shkaktuara nga natyra apo njeriu ose të ndonjë arsye tjetër
që i bën ata persona në nevojë.
Shërbimet sociale në Republikën e
Kosovës ofrohen nga sektori publik e që janë Qendrat për Punë Sociale, institucionet
tjera publike, private dhe organizata jo-qeveritare.
Ligji Nr. 02/L-17 për Shërbimet Sociale dhe
Familjare.
Ligji Nr. 04/L-081 për Ndryshimin dhe Plotësimin e
Ligjit Nr. 02/L-17 për Shërbimet Sociale dhe Familjare.
Ligji Nr. 2004/32 për Familjen i Kosovës;
Ligji Nr. 06/L-077 për Ndryshimin dhe Plotësimin e Ligjit Nr. 2004/32 për Familjen i Kosovës;
